“Ground Zero” चित्रपटातून ‘Unsung Hero’ NND दुबे यांचा संघर्ष – दिग्दर्शक Tejas Vijay Deoskar  यांची खास मुलाखत

मुंबई : ‘छत्रीवाली’ आणि ‘बकेट लिस्ट’ यांसारखे चित्रपट यशस्वी ठरवल्यानंतर दिग्दर्शक Tejas Vijay Deoskar आता एक गंभीर आणि थरारक वास्तवकथेवर आधारित चित्रपट घेऊन येत आहेत — “Ground Zero” या चित्रपटात केंद्रस्थानी आहे एक अपरिचित पण अत्यंत धाडसी व्यक्तिमत्व – NND दुबे.

एका खास मुलाखतीत Tejas Vijay Deoskar  यांनी “Ground Zero” मागील प्रेरणा,Emraan Hashmi सोबतचा अनुभव, आणि चित्रपटसृष्टीतील सध्याचे बदल यावर मनमोकळेपणाने भाष्य केलं.

Emraan Hashmi ची निवड आणि OTTवरील यश

या भूमिकेसाठी Emraan Hashmi यांची निवड का केली, याबाबत तेजस म्हणाले, “इम्रानच्या बऱ्याच चित्रपटांना बॉक्स ऑफिसवर अपेक्षित यश मिळालं नाही, पण तेच चित्रपट OTT प्लॅटफॉर्मवर प्रेक्षकांना भावले. त्याच्यात अफाट अभिनय क्षमता आहे.”

ते पुढे म्हणाले, “ही भूमिका एका थरारक घटनांवर आधारित असल्याने मला असा अभिनेता हवा होता जो भावनात्मक परिपक्वतेसह तीव्रता साकारू शकेल. इम्रानने ती पूर्णपणे निभावली.”

NND दुबे – एक अनोळखी पण शूर वीर

चित्रपटात दाखवलेली कथा NND दुबे यांच्या खऱ्या आयुष्यातील संघर्षांवर आधारित आहे. या व्यक्तिरेखेबद्दल बोलताना देवस्कर म्हणाले, “NND दुबे यांची कथा माझ्या मनाला भिडली. त्यांनी जे धाडस केलं, ते कुठेही मोठ्या माध्यमांतून दाखवलं गेलं नाही, पण त्यांच्या शौर्याची दखल घेणं आवश्यक होतं.”

ते पुढे म्हणाले की, हे पात्र एक ‘unsung hero’ आहे आणि त्यांना पडद्यावर न्याय देणं हे आपलं दायित्व आहे, असं त्यांना वाटलं.

प्रेक्षकांची अभिरुची आणि बदलते ट्रेंड्स

चित्रपटसृष्टीतील सध्याच्या ट्रेंड्सबद्दल बोलताना देवस्कर म्हणाले की, प्रेक्षक आता फक्त स्टारकास्ट पाहून थिएटरमध्ये जात नाहीत. “कथा आणि तिचा सच्चेपणा अधिक महत्त्वाचा झालाय. वास्तविक कथांमध्ये त्यांना आपलं प्रतिबिंब दिसतं, आणि त्यामुळे त्यांचा प्रभाव अधिक खोलवर जातो.”

नेपोटिझम आणि खर्च वाढीचा मुद्दा

नेपोटिझमवर विचारताना ते म्हणाले की, “ही चर्चा आता जुनं वळण घेत आहे. संधी सर्वांना मिळू शकते, पण त्यातून उठून दिसण्यासाठी गुणवत्ता आणि निष्ठा आवश्यक असते.”

चित्रपट निर्मितीच्या वाढत्या खर्चांबाबत ते म्हणाले की, “तंत्रज्ञान आणि मार्केटिंगचा प्रभाव प्रचंड वाढलाय, त्यामुळे खर्च वाढणं अपरिहार्य आहे. पण याचं नियोजन शहाणपणानं केलं, तर गुणवत्ता आणि खर्च यामध्ये समतोल राखता येतो.”